Резинэн чихрийн тухай товчхон
Эдгээр нь янз бүрийн өнгөөр хийгдсэн бөгөөд үндсэндээ элсэн чихэр, глюкозын сироп, ус, желатинаас бүрддэг. Мөн нэмж өнгө, амт оруулагч бодис, хүчиллэг бодис, бүрэх бодис агуулдаг.
Ердөө 3 ширхэг нь бараг 1 ш ёотонтой тэнцдэг байна. Хэт их чихэрлэг зүйлс таргалуулж, бас шүд гэмтээдэг гэдгийг бид бүгд мэддэг.
Резинэн чихэр нь 1 уут буюу 200 гр нь 61 ширхэг ёотонтой тэнцдэг, хэдий амттай боловч хүний бие махбодийн жимс, хүнсний ногоо, үр тарианы бүтээгдэхүүнээс олдог витамин, эслэгийг хэзээ ч орлож чадахгүй.
Сүүлийн үед чихрийн шижин өвчнөөр шаналж буй хүүхдүүд улам бүр их нэмэгдэж байнаа эцэг эхчүүдээ!
Резинэн чихрийн тухай үнэн
Резинэн чихэр биднийг үнэхээр аз жаргалтай болгодог уу?
"Бүх хүмүүст баяр баясгалан авчирдаг"гэж тэд рекламддаг.
Зах зээлийн монополь Haribo компани рекламыг үнэхээр сэтгэл татам цацдаг.
Резинэн чихрийн зар сурталчилгаанд хамгийн их томоор ашиглагддаг үг нь "өөх тос" байдаггүй ч гэдэг ч нөгөө талаар чихэрт донтуулж бидний эрүүл мэндийг сүйтгэсээр байна.
Мөн тэд Желатин нь ясанд сайнаар нөлөөлдөг гэсэн мэдэгдэл гаргаж рекламддаг энэ нь эрүүл мэндийн ашиг тустай гэдэг нь шинжлэх ухаанаар нотлогдоогүй юм.
Зүгээр л бие организмд хоосон илчлэгийг өгдөг энэ амттанаас бид өөрсдөө татгалзаж суръя.
Будагных нь тухай
Резинэн чихэрийн өнгө нь өөрөө ямар ч амтгүй, гэхдээ өнгөгүй бол чихэр нь сайхан амттай байдаггүй.
Тэгвэл хиймэл өнгөтэй резинэн чихэр хэрэглэхгүй байхыг танд зөвлөж байна.
Ихэвчлэн E 110, E 104, E 124 өнгө бодисууд байдаг. Эдгээр бодисууд нь ADHS (анхаарлын хомсдол / хэт идэвхжилийн эмгэг) үүсгэдэг тул Европын Хүнсний Аюулгүй Байдлын Газар нь тэдний хэрэглээг энэ оны 6 сарын 1нээс хязгаарлах шийдвэр гаргасан байна.
Хүнсний бүтээгдэхүүнийг химийн бодисгүйгээр будах нь боломж бий. Жишээлбэл: улаан манжин, шаргал амтат чинжүү, бууцай гэх мэт. Харамсалтай нь байгалийн гаралтай бодисууд нь зохиомлоор үйлдвэрлэсэнээс хамаагүй илүү үнэтэй.
Ийм учраас үйлдвэрлэгчид ашигаа бодож, үр хүүхдийн маань эрүүл мэндийг бодохгүй байна гэсэн үг. Тэгэхээр бид түүнийг худалдан авч, тэднийг улам баяжуулан, үр хүүхдийнхээ эсрэг гэмт хэрэг хийх ёстой гэж үү. Мэдсээр байж өгч байгаа нь эрүүл мэндийн эсрэг гэмт хэрэг биш гэж үү.
Хэрэглэгчийн санаа зовох асуудал нь зөвхөн энэ гурван азо өнгөөр хязгаарлагдахгүй юм.
Европт 42 будах бодис хэрэглэхийг зөвшөөрдөг, үүнээс 10 нь хэрэглэгчдийн эрхийг хамгаалах төвөөс хэрэглэхийг зөвлөдөггүй, 14 нь "хүүхдэд хэрэглэхийг хорьдог" ажээ.
Будаг нь хорт хавдар үүсгэдэг үү?
2009 оны эхээр Европын Хүнсний Аюулгүй Байдлын Газар (EFSA) дээр дурдсан гурван азо будагч бодис болон өөр гурван бодис (Е 122), (E 129),
(E 102) -ийн зөвшөөрөгдөх дээд хэмжээг бууруулах журам гаргасан. 2010 оноос хойш эдгээр бодисыг ашигладаг үйлдвэрлэгчид "Хүүхдийн идэвх, анхаарал сулрах магадлалтай" гэсэн анхааруулга баглаа боодол дээр хэвлэх шаардлагатай болсон ч тэдний худалдаалах тоо болон ашиг буураагүй байна.
Ерөнхийдөө азо будаг нь хорт хавдар үүсгэдэг гэж үздэг.
Энэ бодис нь голчлон кола, шар буурцагны соус, Lakritze чихэр, соёолжны шар айрагт мөн өнгө оруулдаг байна.
Хүүхдэд резинэн чихэр бүү өг. Тоглоом авч өг.
Бүрэн бүх чихэр хориглох нь хэцүү. Тийм учраас 7 хоногт идэх чихрийн норм хэмжээ тогтоогоорой.
Хүүхдүүд эцэг эхийнхээ жишээнээс суралцдаг. Хэрэв та эрүүл хооллолт идэж, чихэрнээс татгалзаж, өдөр тутмын амьдралын зөв хэвшилтэй болбол энэ нь таны үр удамд аяндаа шилжих болно.
Резинэн чихэр бол хүн төрөлхтний урьд өмнө зохион бүтээсэн хамгийн хэрэгцээгүй зүйл юм.
Эх сурвалж: Мөнгөнсувд Зандер
Берлин хот
Fachbereich Biologie Chemie Pharmazie FU/Berlin
