Газар хөдлөлтийн чичирхийлэл нийслэл Улаанбаатар хотод хүчтэй мэдрэгдлээ. Энэ удаагийнх 5, 5 магнитуд хүчтэй хөдөлсөн байна. ШУА-ийн Одон орон, геофизикийн хүрээлэнгээс он гарснаас хойш манай орны хэд хэдэн бүсэд 4 магнитудаас дээш хүчтэй газар хөдөлснийг мэдэгдлээ.
Өнөөдөр Онцгой байдлын ерөнхий газраас мэдээлэл хийлээ. Монгол орны нутгийн дэвсгэрт 2020 онд нийт 44 462 мянган газар хөдлөлт бүртгэгджээ. Энэ нь газар хөдлөлтийг хэмжих багажид мэдрэгдсэн мэдээлэл. Жишээлбэл, 3-3,9 магнитудын хүчтэй газар хөдлөлт 143 удаа, 4-4,9 магнитудынх 38 удаа, 5-5,9 магнитудын хүчтэй газар хөдлөлт таван удаа болсон байна.
Улаанбаатар хот барилга байгууламж болон хүн амын нягтаршил ихтэй цаашид анхаарах шаардлагатай. Ялангуяа барилгын норм дүрэмт өөрчлөлт оруулах шаардлага зүй ёсоор гарч ирсэнг дээрх үйл явдал харуулж байна.
УБ-ын иргэдэд зориулагдсан анхааруулах систем нь 6-7 балл чичирхийлэлд ажилладаг. Гэвч энэ түвшинд хүрээгүй тул систем ажиллахгүй.
Иргэд газар хөдөлсөн нөхцөлд өөрсдийн аюулгүй байдлыг хангаж ширээн дор орох үйлдлийг маш сайн мэддэг байх ёстой.
