22 настай залуу ажлын байран дээрээ амиа алдсан хэрэгт Таван толгой түлш ХХК-ийн гүйцэтгэх захирал М.Ганбаатар хариуцлага хүлээх ёстой.
Таван толгой түлш ХХК-нд ажилладаг 22 настай залуу үйлдвэрийн ослын улмаас нас барсан хэрэг гараад удаагүй байна. Тодруулбал холигч машин цэвэрлэж байхад нь асаах товчлуурыг өөр нэгэн ажилтан санамсаргүйгээр дарсны улмаас 22 настай залуу амиа алдсан.
Тус компани дээр үйлдвэрлэлийн ослоос болж ажилтан амь насаа алдаж байгаа нь анхны тохиолдол биш гэдгийг Монголын эрчим хүч, геологи, уул уурхайн үйлдвэрчний эвлэлийн холбооны дарга Х.Буянжаргал хэлж байгаа.
Өдөр шөнөгүй хортой нөхцөлд ажиллаж байгаа ажилчдынхаа эрүүл мэндийг хамгаалдаггүй, цаашлаад зориулалтыг хөдөлмөр хамгааллын хувцсаар бүрэн хангадаггүй, ХАБ-ын сургалт тогтмол хийдэггүй зөвхөн мал шиг ажиллуулж байгаагаас ийм нөхцөл байдалд хүрч байгаа нь нууцгүй үнэн.
Гэтэл Тавантолгой түлш компанийн ажилтан санамсаргүй асаах товчлуур дарсан, мөн тухайн өдөр ажиллаж байсан энгийн ажилчиддаа уг хариуцлагыг тохоод салах гэж байна.
Энэ нь цаашид ч ажилчид амь насаа алдах эрсдэл үүсэх шалтгаан болно. Үйлдвэрлэлийн осол бүрийг нуун дарагдуулж өмнө нь гарсан хүний амь нас эрсэдсэн асуудал дээрээс сургамж авч ажилчиддаа зориулалтын хөдөлмөр хамгааллын нөхцөлөөр хангаагүй М.Ганбаатарт хариуцлага тооцох ёстой.
Таван толгой түлш компани арай л дэндүү маш олон хүнийг хохироож байгаа өөрчлөлт хийх хэрэгтэйг харуулж бна ш дээ,цалингаа дутуу өгдөг, хортой нөхцөл биш гэж хэлдэг.