Эрүүл мэндийн Эрүүл мэндийн яамнаас коронавируст халдварын нөхцөл байдлын талаар мэдээлэл хийлээ.
ХӨСҮТ-ийн дэд захирал Э.Тэмүүлэн: "Сүүлийн хоногт 24,482 хүнд хийсэн коронавирусийн халдвар илрүүлэх шинжилгээний явцад 160 хүнээс халдвар илэрсэн. Ингэснээр нийт халдварын тоо 4,658 болж байна.
Сүүлийн 24 цагт гадаадаас зөөвөрлөгдсөн тохиолдол бүртгэгдээгүй. Дотоодын халдварын 160 тохиолдол бүгд Улаанбаатарт бүртгэгдлээ.
Шинээр батлагдсан 160 тохиолдлын 141 нь халдвартай хүмүүсийн ойрын хавьтлууд бол 19 хүний халдварын эх уурхайг тогтоохоор ажиллаж байна.
Халдварын эх уурхайг нь тогтоож байгаа хүмүүсийн оршин суух хаяг:
- БЗД-ийн 4, 14, 26 дугаар хороо,
- БГД-ийн 7 дугаар хороо,
- СБД-ийн 11, 12 дугаар хороо,
- СХД-ийн 3, 8, 25, 37 дугаар хороо,
- ХУД-ийн 20 дугаар хороонд байна.
Сүүлийн хоногт 84 хүн эмчлэгдэн эмнэлгээс гарснаар нийт эдгэрсэн хүний тоо 3,296 боллоо.
Өнөөдрийн байдлаар нийт 1,284 хүн эмчлүүлж байгаагаас биеийн байдал нь хөнгөн 1,138 хүндэвтэр 136, хүнд 7, нэн хүнд 3 хүн байна.
Халдварын нөхцөл байдал өдөр ирэх тутам хүндэрч байгаа. Тиймээс иргэд минь халдвар хамгааллын дэглэмээ чанд сахиж мөрдөх хэрэгтэй байна" гэв.
Дотоодод бүртгэгдсэн халдварын тохиолдол 4,125 /2021.03.19/
- Улаанбаатар-3,767 /сүүлийн 24 цагт 160 тохиолдол нэмэгдэв/
- Завхан-6
- Архангай-4
- Орхон-25
- Төв аймаг-18
- Сэлэнгэ аймаг-217
- Дархан-Уул-45
- Говьсүмбэр-4
- Дорноговь аймаг-32 байна.
- Хөвсгөл-7
Эмчилгээнд байгаа хүмүүсийн биеийн байдлыг үнэлбэл
- Хөнгөн-1,138
- Хүндэвтэр-136
- Хүнд-7
- Маш хүнд-3 хүн байгаа юм.
