Дархан-Уул аймаг ногоон бүс болох зорилгоор нийгмийн харилцаанд хамгийн их оролцдог 12,000 иргэнээ коронавирус илрүүлэх PCR шинжилгээнд хамруулж дуусжээ. Шинжилгээний хариу бүрэн гарч дууссанаар аймгийн Онцгой комисс маргааш хуралдан, дараагийн шийдвэрээ гаргах юм байна
"Дархан-Уул аймагт голомт бүртгэгдсэнээс хойш нийт 45 тохиолдол илэрсэн. 45 дахь тохиолдол батлагдсанаас хойш 30 хоног өнгөрч байгаа бөгөөд сүүлийн нэг сарын тушр дахин шинэ тохиолдол бүртгэгдээгүй гэсэн үг юм. Ингэснээр Дэлхийн эрүүл мэндийн байгууллагаас өгсөн зөвлөмжийн дагуу эрүүл бүс болох боломж бүрдэж байна. Гэхдээ Улаанбаатар хот болон Сэлэнгэ аймагт өвчлөл хаагдаагүй байгаа тул Дархан-Уул аймагтаа байдлыг бататгах зорилгоор РCR шинжилгээг авч байна.
Хоёр өдөр зохион байгуулагдсан шинжилгээнд 22 төрлийн байгууллагын 12 мянган иргэн хамрагдаж дууссан байна. Эдгээр иргэний шинжилгээ бүрэн гарсны дараа аймгийн онцгой комисс хуралдаж, дараагийн шийдвэрүүдээ гаргана гэж.
Дархан-Уул аймгийн Засаг дарга, аймгийн Онцгой комиссын дарга Б.Азжаргал хэлээ
Аймгийн Онцгой комиссоос баримталж буй бодлого нь Дархан хотоос орох, гарах хөдөлгөөнийг хязгаарлаж, зайлшгүй тохиолдолд иргэдийг оруулж гаргах, Дархан хот дотроо амьдралын хэвийн горимд шилжүүлэх, хязгаарлалтад орсон байгууллагуудын үйл ажиллагааг шат дараатайгаар, халдвар хамгааллын дэглэм сахиулан хэвийн ажиллагаанд оруулах зорилт дэвшүүлэн ажиллаж байгаа юм байна
Хэдийгээр ногоон бүс болж буй ч амны хаалтаа зүүх, гараа ариутгах, зайгаа барих дэглэмээ мөрдөх шаардлагатай. Мөн халдвартай бүс нутгаас хулгайгаар орж ирэх хандлага нэмэгдэж байгаа тул хууль хүчний байгууллагууд цаг тухайд нь илрүүлж, хариуцлага хүлээлгэж байгаа юм байна. Аймгийн онцгой комиссийн зүгээсард иргэдийг эрсдэлтэй алхам хийхгүй байхыг хүслээ.
