Эх, үрсийн баярын өдөр ЭХЭМҮТ-ийн хамт олон Төр засгаасаа том бэлэг гардан авлаа.
Өнөөдөр Монгол Улсын Их хурлын гишүүн, Ерөнхий сайд Л.Оюун-Эрдэнэ, Эрүүл мэндийн сайд С.Энхболд, УИХ-ын гишүүн, Сангийн сайд Б.Жавхлан, ЭМЯ-ны ТНБД Ц.Эрдэмбилэг нар болон бусад албаны хүмүүс ЭХЭМҮТ-д ажиллалаа. Энэ үеэр Ерөнхий сайд Л.Оюун-Эрдэнэ Засгийн газрын шийдвэрийг танилцууллаа.
Эх, хүүхдэд үзүүлэх тусламж үйлчилгээний орчин нөхцлийг сайжруулахын тулд дараах асуудлыг шийдвэрлэсэн байна. Үүнд:
- ЭХЭМҮТ-ийн тасаг нэгжүүдийн бүрэн их засварын ажлыг 2022 онд хийж гүйцэтгэх;
- ЭХЭМҮТ-ийн Поликлиникийн өргөтгөл + Эрүүл мэндийг дэмжих төвийн барилгыг 2022 онд барьж ашиглалтанд оруулах.
Холбогдох тооцоо судалгааг хийж дуусган, зураг төсвийг батлуулан, 2022 оны төсөвт суулгахыг Эрүүл мэндийн сайд С.Энхболд, ЭХЭМҮТ-ийн Ерөнхий захирал Ш.Энхтөр нарт даалгалаа.
Мөн эх, үрсийн баярын өдөр тус төвд амаржсан эхчүүдэд Ерөнхий сайдын гарын бэлэг, амьд цэцгийн баглааг бэлэглэв.
Тус төвийн эмнэлгийн тусламж үйлчилгээнд Франц улсад үйлдвэрлэсэн Renault үйлдвэрийн суудлын автомашин, хүчилтөрөгчийн баллон, хувийн хамгаалах хэрэгсэл хүлээлгэн өглөө.
Эх, хүүхдийн төлөө маш том бодит хөрөнгө оруулалт хийсэн Монгол Улсын Засгийн газартаа эхчүүд, хүүхдүүдийн нэрийн өмнөөс гүнээ талархаж, баярлаж байгаагаа илэрхийлье.
