Энэ бол АСУУДАЛ шүү!!!
Аливаа ажил, үүрэг хариуцлага үүрэхийн бэрхшээл зовлонг мэддэг хүн учраас би хэр баргийн зүйл дээр санал, шүүмж хэлэхгүй!!! Сүүлийн үед эм тариа тасалдаж эхэлсэн тухай мэдээ гарах боллоо. Эм, тариа, эмнэлгийн хэрэгслийн тасалдал үүсч огт болохгүй!!! Үүн дээр бол харин санаа бодлоо илэрхийлнэ. Олон жилийн туршлагаас харахад энэ нь ихэвчлэн 3 үндсэн бүлэг шалтгаантай байдаг.
Үүнд:
(1) Тухайн эмнэлэг, эрүүл мэндийн байгууллагын удирдлагын Ажил үүрэг, Хандлага, барьж буй Бодлоготой холбоотой.
(2) Цар тахал мэтийн олон улс орныг хамарсан нөхцөл байдлаас ханган нийлүүлэлт доголдох. Supply – Procurement System Management is Crucial!!!
(3) Монгол Улсын хууль эрхзүй, дүрэм журмын ба зохицуулалтын хөшүүн, сул тал. Хэдийгээр өөр бусад шалтаг, шалтгаанууд байж болох ч дээрх 3 бүлэг шалтгаан жин дарна. Ялангуяа, байгууллагын удирдлагын үүрэг хариуцлага нэн чухал. Өөр шалтгаантай холбож тасалдлаа зөвтгөх гэж үздэг хүмүүс ч тохиолддог.
Энэ цар тахлын үед бид 2 жил нөөц бүрдүүлэх хугацаа байсан!!!
Эм, тариа, хэрэгслээр хангах нь байгууллагын даргын нэг номерын үүрэг!!!
Яахав, том, олон байгууламжтай газар бол хуваарилагдсан төсвөөсөө хамаарч энд тэнд будаг түрхэх хэрэгтэй газрууд байдаг. Энэ бол Яам, засгаас өгсөн мөнгөөр аажимдаа шийдэгддэг асуудал. Энэ бол хүний амь наснаас холуур.
Гэтэл чанартай эм, тариа, хэрэгслээр тасалдалгүй хангах нь эмчилгээний чанар, аюулгүй байдал; өвчтөний амь нас, эрүүл мэндийг сахин хамгаалахад нэн чухал!!!
Эм тариа, эмнэлгийн хэрэгсэл тасалдахад:
1. Байгууллагууд үүнийгээ "нуух"
2. Ар гэрт захиж авчруулах
3. Тухайн эмийг өөр эмээр орлуулах.
Жич: энэ бол болохгүй арга барил шүү ер нь бол.
4. Эсвэл тухайн шаардлагатай эмчилгээг хийхгүй орхих гэх мэтийн сөрөг үр дагавар тохиолдох гээд байдаг. Байгууллагын удирдлага өр тавиад ч болов эм хэрэгслээр хангах үүрэгтэй. Тухайн байгууллагын тасаг нэгжийн дарга эрхлэгч нар, Чанарын алба нөхцөл байдлыг өдөр бүр, зарим үед шаардлагатай бол цагаар ХЯНАЖ, Нууж Хаалгүйгээр МЭДЭГДЭЖ, Шийдвэрлүүлж байх ҮҮРЭГТЭЙ!!!
Яам, холбогдох газрууд онцгойлон анхаарч, асуудлыг шаардлагатай бол Засгийн газрын түвшинд Яаралтай Горимоор шийдүүлэхгүй бол үнэхээр болохгүй шүү!!!
Хүний амь нас, эрүүл мэндийн асуудал шүү!!! гэжээ
ЭХЭМҮТ-ийн Гүйцэтгэх захирал асан Ш.Энхтөр
