Шүүгчдэд хариуцлага тооцохгүй өдий хүрснээр тэд өнөөдөр үнэхээр даварсан. Сүүлдээ бүр хүн биш болох зам руугаа орж янхандалттай ч холбогдож байх шиг.
Ганцхан жишээ авья!!!
Шүүгчид Эрүүгийн гэмт хэрэгт холбогдсон Засаг даргаас уулын ам авсан нь баримтаар тогтоогдсон. Өөрсдөө ёс зүйн хариуцлага хүлээдэггүй юм гэхэд тэдэнд хуулийн хариуцлага хүлээлгэх чадамжгүй төрөөс бид ШУДАРГА ЁС шаардах нь илүүц юм. Шүүгчдийн ёс зүй яригдаж байгаа энэ үед өнгөрсөн жил хийсэн нэг нэвтрүүлгээ эргэн сануулья.
2016 онд тухайн үеийн Нийслэлийн Эрүүгийн хэргийн давж заалдах шатны шүүхийн Ерөнхий шүүгч Лувсаншаравын Даваасүрэн, Нийслэлийн Эрүүгийн хэргийн Давж заалдах шатны шүүхийн шүүгч Сосорбурамын Соёмбо-Эрдэнэ нар Төв аймгийн Батсүмбэр сумын "Киноны ам" хэмээх үзэсгэлэнт аманд тус бүртээ 3300 кв газар өмчилж авчээ. Өөрсдөө аваад зогссонгүй. Шүүгчийн туслах А.Дуламсүрэн, Э.Мөнхгэрэл Нийслэлийн давж заалдах шатны Шүүхийн зохион байгуулалтын мэргэжилтэн Л.Оюунгэрэл нарын нэр дээр мөн л 3000-3300 м квадрат газар өмчилж авч улсын бүртгэлийн гэрчилгээ гаргуулж авчээ. Энэ нь цэвэр хууль зөрчсөн үйлдэл юм. Учир нь Монгол улсад иргэнд газар өмчлөх эрх зөвхөн суурин газарт л үүсдэг. Шүүгч нарын авсан энэ газар нь ойн сан бүхий газар бөгөөд иргэн газар өмчлөх байтугай эзэмшихийг ч хуулиар хориглодог билээ.
Шүүгчдэд 2016.10.25-ны өдөр хууль зөрчин газар өмчлүүлэх захирамж гаргасан Төв аймгийн Батсүмбэр сумын Засаг дарга Ганбаяр нь шүүгчдэд газар олгохынхоо өмнөх жилүүдэд сумын засаг даргаар ажиллаж байхдаа хууль зөрчин ойгоос их хэмжээний нойтон мод бэлтгэсэн хэргээр Эрүүгийн хэрэг үүсгэн шалгуулж байсан нэгэн юм. Түүнд холбогдох Эрүүгийн хэрэг нь замхарсны гол учиг нь өөрийн эрх мэдлээ урвуулан ашиглаж, Эрүүгийн хэргийн шүүгчдэд хууль зөрчин бүхэн бүтэн уулын ам өгсөн явдал байж болзошгүй талаар би Эрэн сурвалжлах нэвтрүүлэг бэлтгэн цацаж байлаа. Хэн ч ямар ч хариуцлага хүлээгээгүй. Өнөөдөр хууль зөрчин газар авсан шүүгч С.Соёмбо-Эрдэнэ гэгчийг бүр Улсын дээд шүүхийн шүүгч болгон дэвшүүлжээ .Ийм шүүгчид хичнээн хүний хувь тавилангаар тоглох бол??? Өнөөдөр биш гэхэд маргааш таныг ийм шүүгчид хэлмэгдүүлвэл яана вэ?
Бусармаг нийгмийн зовлонг заавал бид ээлж дараалан амсах ёсгүй биз дээ. Ийм зүйлийг нийтийн хүчээр одоо л таслан зогсоох ёстой.
Зураг дээр: Хууль бусаар газар авсан шүүгчид, тэдний газрын гэрчилгээ, авсан уулын ам.
ЭХ СУРВАЛЖ: Сэтгүүлч Б.Отгон 2021.02.23 нд
