АНУ-ын Файзер компани саяхан Ковидын эсрэг үйлчлэлтэй эм бүтээж, 95% үр дүнтэй байгааг зарлалаа. Тиймээс НҮБ-ын дэмжлэгтэйгээр ковидын эсрэг эмийг үйлдвэрлэх эрхийг дэлхийн буурай хөгжилтэй 95 оронд өгчээ. Мөн тус эмийг үйлдвэрлэх эрхийн патентыг НҮБ-д хандивласан байна.
Файзер компанийн эмийн бодлогын зөвлөх Эстебан Бёррон "Ковидын эмийг дэлхийн өнцөг булан бүрт үйлдвэрлэж, дор хаяж 4 тэрбум хүнд хүргэх нь бидний зорилго. Хэрэв эмийг хангалттай үйлдвэрлэж чадвал дэлхий даяар корона вируст цар тахал зогсоход дөхөмтэй байх болно. Сайн цаг ойртож байна" гэжээ.
Энэ сарын эхээр ковидын эмийг турших үеэр хөнгөн, дунд зэргийн өвчилсөн хүмүүст үйлчлэх нөлөөлөл 95 хувь байсан гэнэ. Ковид дэлхий даяар цар тахлын хэмжээнд дэгдсэнээс хойш томоохон эмийн үйлдвэрлэгчид эдгэрэлтийг түргэсгэх, хүмүүсийг эмнэлэгт хэвтүүлэлгүй хөнгөн эмчилгээ шаардахуйц эм бүтээхээр ажилдаа орцгоосон юм. Тэгвэл АНУ-ын Файзер компани уг чиглэлд тун ахицтай амжилт үзүүлээд буй нь энэ аж. Ковидын эмийг судас тариа эсвэл шууд уухаар бэлтгэх бололцоотой гэнэ.
