Хүн бүхэн эрүүл байхыг эрхэмлэн хүсдэг. Тиймээс ч эрүүл энх байх жаргалын талаар амаас ам дамжин алтнаас илүү үнэтэй хэмээн хүн бүхэн ярьдаг. Харин эрхэм баян эрүүл мэндээ бид хэрхэн хамгаалдаг билээ. Эрүүл байхад тухайн хүний амьдралын хэв маяг хамгийн их хамааралтай байдгыг эмч, судлаач эрдэмтэд сүүлийн хориод жилд анхааруулсаар энэ төрлийн олон судалгааны ажил хийгдсээр ирлээ.
Хүн эрүүл байхад тухайн хүн өөрийн биедээ юу оруулж байгаагаар нь ходоодондоо /ямар хоол хүнс хэрэглэдэг/ ба толгойдоо юу хийж байна/мэдээлэл, оюун сэтгэл санаа /биеэрээ юу хийж байна /дасгал хөдөлгөөн идэвхтэй байдал болон муу зуршил / гэдэгт л анхааралаа хандуулах нь чухал.
Тун энгийн сонсогдож байгаа хэдий ч та яг одоо бодоод үз дээ. Та таалагддаг зүйлээ иддэг үү эсвэл танд таарч тохирох хүнсээ л иддэг үү. Та амралт ажлаа хэр зохицуулдаг бэ. Та сэтгэл санаандаа дандаа муу муухайг хурааж тээж явдаг уу. Аливаа өвчлөлийн дийлэнх ихэнх нь амьдралын хэв маягтай холбоотой үүссэн байдаг нь хэн бүхний хүлээн зөвшөөрөх асуудал нэгэнт болжээ.
Ингээд Беллок, Бреслоу нарын урт наслахад нөлөөлдөг 7 хүчин зүйлийг танилцуулж байна
1. Хоногт 7-8 цаг унтаж амрах
2. Хоолны хооронд юм идэхгүй байх
3. Биеийн зохистой жингээ хадгалах
4. Өглөөд тогтмол хоолодог байх
5. Тогтмол дасгал хөдөлгөөн хийх
6. Спиртын агууламжтай ундаа бага хэрэглэх ба огт хэрэглэхгүй байх
7. Тамхи татахгүй байх юм.
Хүний их эмч Недра Беллог, Лестер Бреслоу нар 7000 хүний дунд 9 жилийн турш судалгааны ажил хийж амьдралын хэв маяг хүний эрүүл урт наслахад гол нөлөөтэй гэдгийг гаргаж ирсэн байна.Та ч гэсэн өөрийгээ сонжоод үзээрэй. Эдгээр долоогоос та хэдийг нь тогтмол хэрэгжүүлдэг бэ.
Хэрэв та 20-29 настай бол : 7 хэв маягаас 0-2-ыг л хэрэгжүүлдэг бол та одоогийн байгаа нас дээрээ 14,3 нэмнэ. Хэрэв 3 бол 7,4 нэмнэ.
Харин 4 бол 0,5 нэмээрэй. Хэрэв 5-ыг нь хэрэгжүүлдэг бол та өөрийн наснаасаа 1,1 хасаарай. Хэрэв 6 бол 4,2 хасна. Харин 7 бол 9,4 хасаад биологийн буюу бодит насаа гаргаад үзээрэй.
Та 30-39 настай бол :
0-2 бол 16,9 нэмнэ.
3 бол 9,1 нэмнэ
4 бол 3,0 нэмнэ
5 бол 0,6 хасаарай
6 бол 4,7 хасна
7 бол 11,1 хасна уу.
Та 40-49 настай бол :
0-2 бол 19,4 нэмнэ
3 бол 10,7 нэмнэ
4 бол 5,4 нэмнэ
5 бол 0,1 хасна
6 бол 5,2 хасна
7 бол 12,9 хасаарай.
Та 50-59 настай бол :
0-2 бол 22,0 нэмнэ
3 бол 12,4 нэмнэ
4 бол 7,9 нэмнэ
5 бол 0,3 нэмээрэй
6 бол 5,7 хасна
7 бол 14,7 хасаарай.
Та 60-69 настай бол:
0-2 бол 24,5 нэмнэ
3 бол 14,0 нэмнэ
4 бол 10,4 нэмнэ
5 бол 0,8 нэмээрэй
6 бол 6,2 хасна
7 бол 16,4 хасаарай.
Та 70-79 настай бол :
0-2 бол 27,1нэмнэ
3 бол 15,7 нэмнэ
4 бол 12,8 нэмнэ
5 бол 1,3 нэмээрэй
6 бол 6,8 хасна
7 бол 18,2 хасаарай.
Нэмж хэлэхэд та эдгээр хэв маягыг тогтмол хэрэгжүүлнэ гэдэг нь доод тал нь нэг бүтэн жил ба түүнээс дээш хэрэгжүүлж байж дадал болгон тогтоодог гэдгийг анхаараарай. Танд амжилт хүсье. #ТандЭрүүлЭнхийгХүсье#АмьдралынХэвМаяг
М.Энхбаяр /Амос ТББ-ын эрүүл мэндийн хэлтсийн захирал/
