Томуугийн өвчлөл ихэссэн тул үүнтэй холбоотойгоор энэ сарын 10-наас ЕБС-ийн сургалтыг 100 хувь цахим болгох нөхцөл байдал үүсжээ. Томуугийн өвчлөл цаашид нэмэгдэх хандлагатай байгаа мөн Омикрон шинэ хувилбар дэгдэх эрсдэл байгаа учраас хичээл сургуулийн төлөвлөгөөнд өөрчлөлт оруулснаа БШУ-ны сайд Л.Энх-Амгалан танилцууллаа.
Өчигдөр буюу 12 сарын 1-ний засгийн газрын хуралдаанаар бүх шатны боловсролын байгууллагын амралтын талаар хэлэлцсэн.Тус хуралдаанаас эрсдэлийн үнэлгээг хийх чиглэл өгсний дагуу ирэх долоо хоногт буюу 10-ныг хүртэл танхимаар хичээллээд түүнээс хойш 100 хувь цахим болгох талаар ярилцлаа. ЕБС-ийн сурагчид энэ сарын 18-наас 2022 оны хоёрдугаар сарын 3-ныг хүртэл амарна. Өөрөөр хэлбэл үндсэндээ 12-хон хоног үлдсэн учир ирэх долоо хоногт танхимаар хичээллээд түүний дараа амрах хүртлээ бүгд цахимаар хичээллэнэ.
Мөн цэцэрлэгийн 4-5 насны хүүхдүүд 12-р сарын 10-наас хойш буюу цагаан сар хүртэл танхимын бус сургалттай болгох нөхцөл үүсээд байна.
Их дээд сургуульд суралцагчдын хувьд 12-р сарын 10-н хүртэл хичээллэж, вакциндаа хамрагдаад амарна. 12-р сарын 10-ныг хүртэл танхимаар хичээллээд цахимаар өгөх боломжтой зарим шалгалтыг авч, үлдсэн шалгалтыг хоёрдугаар сарын 1-нээс хойш буюу Цагаан сарын баярын нөхцөл байдлыг харгалзан авна. Эцсийн шийдвэр гараагүй байгаа ба ирэх даваа гарагт тодорхой болно" гэж тус тус мэдээллээ.
