ЭЕШ-ын бүртгэл өнөөдөр эхэлж байгаатай холбогдуулан Боловсролын үнэлгээний төвөөс мэдээлөл өглөө.
Боловсролын үнэлгээний төвийн хэлтсийн дарга Л.Ганбат: “help.eec.mn сайтаас ЭЕШ-тай холбоотой дэлгэрэнгүй мэдээлэл авч болно. Монгол, Англи, Орос хэлний шалгалтын хувьд сонсоод ойлгох чадварын даалгаварыг энэ жил оруулахгүй. Тест, нөхөх юм уу өөр хэлбэрээр зохион байгуулж байгаа. Боловсролын үнэлгээний төвөөс чат бот ашиглалтад оруулсан. ЭЕШ-д оролцогчид өөрийн гэсэн и-мэйл хаягтай байх нь чухал. Сүүлийн 2 жилээ эхлээд ЭЕШ-д шууд засалтыг нэвтрүүлсэн. Шалгалт дууссаны дараа засалтыг шууд хийгээд лайваар үзүүлэх ажиллагааг зохион байгуулна.
ЭЕШ-ын бүртгэл өнөөдөр өглөө эхэлсэн. 100 орчим шалгалтын байрыг бэлдэж байна. Бүртгэлийн алхмууд дээр гол анхаарах зүйл нь шалгуулагч иргэний үнэмлэх, арын фон нь цайвар цулгуй өнгөтэй цээж зураг шаардлагатай. Нэг шалгалт 5,800, батламж 700 төгрөгийн үнэтэй. Төлбөр төлөх карт нь заавал тухайн шалгуулагчийн нэр дээр байх шаардлагагүй. Овог, нэр, РД-ын мэдээлэл зөрсөн тохиолдолд сургуулийн сургалтын албанд хандсанаар манай үнэлгээний төвд мэдээлэл засагдана. Өмнөх жилийн төгсөгчид хувийн мэдээлэл зөрсөн бол заавал улсын бүртгэлийн ерөнхий газарт хандаж байж дараа нь үнэлгээний төв дээр засагдах боломжтой.
ЭЕШ-ын бүртгэл хоёрдугаар сарын 25-наас дөрөвдүгээр сарын 20-н хүртэл үргэлжилнэ. ЭЕШ-ыг зургаадугаар сарын дундуур, Монгол хэл, бичгийн шалгалтыг тавдугаар сард зохион байгуулахаар төлөвлөж байна” гэгээ.
