2021 оны Ерөнхийлөгчийн сонгуульд нэр дэвшигчдийн мэтгэлцээн МҮОНРТ-ийн 600 студиэс өнөөдөр /2021.06.07/ 17:50 минутаас явагдах байсан ч цуцлагдлаа.
Хүн намаас нэр дэвшигч Д.Энхбат коронавирусын халдвар авсан нь хоёр дахь удаагийн шинжилгээгээр батлагдаад байгаа.
Хүн намаас нэр дэвшигч Н.Энхбатыг халдвар хамгааллын дэглэмийг баримтлуулан студид авч ирэх эсвэл явуулын станц 2-р эмнэлэг дээрээс шууд дамжуулах боломжоор хангаж өгөөч гэсэн хүсэлтийг гаргасан байна.
Дээрх хүсэлтийн дагуу МҮОНРТ-ийн зүгээс Улсын Хоёрдугаар төв эмнэлэгт хүсэлт гаргасан ч Улсын хоёрдугаар төв эмнэлгээс халдвар авсан иргэнийг эмнэлгийн улаан бүсээс гаргах боломжгүй мөн улаан бүсэд явуулын станц байрлуулах, телевизийн уран бүтээлчдийг оруулах боломжгүй гэсэн албан хариуг өгсөн тул мэтгэлцээн цуцлагдаж байна гэж МҮОНРТ-ийн захирал А.Бүрэнбаатар мэдэгдлээ .
