Монгол улс хорт хавдрын ӨВЧЛӨЛӨӨР дэлхийд тэргүүлээд байна гэж худлаа ярьж хүмүүсийг айлгаж буруу мэдээлэл тараахаа больчих!
Дээрх графикт дэлхийг 100.000 хүн амд ноогдох хорт хавдрын тохиолдлоор тэргүүлж буй 55 улс ба хавдрын тохиолдлын хэмжээг харууллаа. Энд Монгол улс байхгүй. Монгол улс хавдрын тохиолдлоор дэлхийн 60-66-р байр хавьцаа байдаг.
Харин хавдрын нас баралтаар тэргүүлэх байранд явдаг. Энэ бол өөр асуудал. Нийгмийн эрүүл мэнд, хавдрын талаар ойлголт ба ЭМ-н боловсрол, урьдчилан сэргийлэх үзлэг хөгжөөгүйн гайгаар хавдрын өвчлөл дандаа төгсгөлийн шатанд оношлогддог, эмчилгээ нь хүнээсээ хол тул маш олон хүн хот хүрээ явж чадалгүй амиа алддаг учраас нас баралт өндөр байдаг юм.
Улс орны хөгжил, орлого, дундаж наслалт ихсэх тусам хавдрын өвчлөл ихэсдэг жамтай. Бидний тэдэн шиг болох юмсан гэж зорьдог бүх өндөр хөгжилтэй орнууд манайхаас их хавдрын өвчлөлтэй.
Бид хавдартай нүүр тулан, эрт илрүүлж, эрт эмчилж, тусламж үйлчилгээг хүндээ ойртуулж, хүмүүсийнхээ амийг аврах ёстой болохоос айлгаж ичээх ёсгүй шүү гэдгийг хариуцлагатайгаар хэлье.
Хавдрын тусламж үйлчилгээг бид хүндээ ойртуулах болно оо. Олон эмнэлэгт тэгш хүртээмжтэйгээр хавдрыг эмчилдэг болгоё!
