Шадар сайд С.Амарсайхан цаг үеийн асуудлаар мэдээлэл хийж байна.
Шадар сайд С.Амарсайхан: “Дотоодод халдварын нөхцөл байдал хүндрэхгүй, цар тахлын үеийн дүрэм журмаа сахиж чадах юм бол тавдугаар сарын 1-нээс хил нээх асуудлын Засгийн газрын өнөөдрийн хуралдаанаар хэлэлцлээ.
Хил нээнэ гэдэг зөвхөн манай улсаас хамаарах асуудал биш. Цаашид ачаа тээврийн хил нэвтрэлтийг сайжруулахад хаа хаанаа анхаарах хэрэгтэй байна.
Улаанбаатар хотод хэсэгчилсэн хязгаарлалт хийж, голомтуудаа хумиж авах, ажил үргэлжилж байна. Аль болох нийтээр нь хязгаарлалт хийхгүйгээр тухайн орчинд нь хязгаарлалт хийнэ” гэв.
"Улаанбаатар хотод танхимыг хичээлийг эхлүүлэх хугацаа тодорхойгүй байна. Ажил амьдралаа хэвийн үргэлжлүүлэхийн тулд бүх талд хатуу, өндөр зохион байгуулалттайгаар нарийн зүйлс дээр анхаарлаа сулруулахгүй ажиллах хэрэгтэй" гэв.
Мөн хөдөө, орон нутагт зорчих хөдөлгөөнийг энэ сарын 1-нээс нээсэн. Улаанбаатар хотоос гарч явсан л бол очсон газартаа 72 цаг тусгаарлана гэдэг мэдээлэл олон нийтийн дунд тархаж ойлгомжгүй байдал үүсгээд буй. Үүнд Шадар сайд "Улаанбаатар хотоос 72 цагийн шинжилгээ өгсөн бол очсон газраа заавал тусгаарлагдах албагүй. Очоод буцах бол шинжилгээ хүчинтэй хугацаанд орж, гарах нь чөлөөтэй. Ямар нэгэн тусгаарлагдах асуудал огт байхгүй гэдгийг хэлье. Харин тухайн орон нутагт байнгын оршин суух хаягтай иргэд тусгаарлалтын дэглэм мөрдөнө" гэлээ.
PCR шинжилгээг үнэ төлбөртэй авч байна гэх гомдол иргэдээ ирэх болсон. Үүүнд "Гарцаагүй шинжилгээ өгч байгаа хүмүүсээс төлбөр тооцоо авахгүй байх зохион байгуулалтад орж ажиллаж байгаа. Тухайлбал амаржих гэж байгаа хүмүүсээс заавал 72 цагийн шинжилгээний хариу шаардахгүй. Эмнэлгийн тусламж үйлчилгээ авах хэн боловч түргэвчилсэн шинжилгээ өгөөд үйлчилгээ авах боломжтой" гэж хариуллаа.
Мөн тэрбээр олон нийтийн баярын өдрүүдийг өргөн дэлгэр тэмдэглэхгүй байхыг уриалаад нэг хоног баярлаад хоригдох уу, өдөр бүр хэвийн амьдрах уу гэдэгт анхаарах хэрэгтэйг сануулав.
“Вакцины татан авалтын цаашид нэмэгдүүлнэ. Манай улс гурван төрлийн вакцин тээвэрлэн авчирч, эхнээсээ дархлаажуулалт явагдаж байгаа. Цаашдаа татан авалтын нэмэгдүүлэх, түргэвчлүүлэх тал дээр анхаарч ажиллаж байгаа. Гэхдээ дан ганц биднээс шалтгаалахгүй. Хэдийгээр шаардлагатай төсвийг Засгийн газар шийдсэн ч вакцин худалдах авах улс орнуудын өрсөлдөөн их, ханган нийлүүлэлт, үйлдвэрлэлээс шалтгаалсан цаг хугацааны асуудал их байгаа.
Гэхдээ Засгийн газар, УОК-оос энэ тал дээр эрчимтэй арга хэмжээ авч ажиллах болно. Вакцинжуулалтыг гуравдугаар сарын дундаас хойш бүх чиглэлд эрчимтэй явуулна" гэв.
