Тус хороонд байрлах "Элизабет" хотхоны орон сууцны цонхоор эмэгтэй унаж амиа алдсан хэрэг дөнгөж сая гарчээ. Цагдаагийн байгууллагаас амь хохирогчийг тогтоох, хэргийн газрын үзлэгийг хийж байна.
Энэ талаар Цагдаагийн ерөнхий газрын хэвлэл мэдээллийн төвийн мэргэжилтэн, цагдаагийн ахмад М.Мөнхшүр "Яг одоо бүрэлдэхүүн шалгах ажиллагааг хийж байгаа учир дэлгэрэнгүй мэдээлэл ирээгүй байна. Баянзүрх дүүргийн нэгдүгээр хэлтэст 15 давхрын цонхоор хүн үсрэх гэж байна гэсэн дуудлага мэдээлэл 12:24 минутад ирсэн ч гурван минутын дараа буюу 12:27 цагт үсэрсэн тухай дуудлага ирсэн" гэлээ.
Баянзүрх дүүргийн Онцгой комисс дүүргийн Эрүүл мэндийн төвөөс ирсэн заавар, зөвлөмжийн дагуу энэ сарын 17-ны өдрийн 06:00 цагаас 21-ний 23:00 цаг хүртэл хязгаарлалтын дэглэмд шилжүүлээд байгаа. Хөл хорио тогтоох үеэр тус хорооны засаг дарга Г.Отгонбаатарыг хууль бусаар ажлаас нь халсан асуудал хөндөгдөж оршин суугчид эсэргүүцлийн жагсаал зохион байгуулсан юм.
